منتجات من اي هيرب خلصتها ورايي فيها
 |
السلام عليكم ورحمة الله وبركاته تدوينة اليوم عن المنتجات الي خلصتها من اي هيرب ورايي فيها تحت كل منتج راح احط رابط يوديكم للمنتج
فاخلونا نبدا
اول شي شاور جل الصابونه الافريقيه حبييته يكفي ان مكوناته عضويه من الشوفان والصبار وفيامين E فيه حبيبات لتقشير الخفيف احبه للاستحمام اليومي مايجفف البشره ويخفف الحبوب الي فالبشره رائحته جميله حجمه اقتصادي
اكيد برجع اشتريه
لوشن بخلاصة الصابونه الافريقيه من مكوناته زيت جوزالهند وزبدة الشيا ماحبيته قوام اللوشن ثقيل بصعوبه يتوزع على البشره مهما حاولت ادمجه يبقى اللوشن على البشره العلبه ماتناسب قوام اللوشن الثقيل صعب استخدامها
تحتاج لضغط قوي عشان يطلع المنتج رائحته جيده مستحيل ارجع اشتريه
لوشن من افينو بالشوفان خالي من العطور قوامه متوسط يندمج على البشره بسهوله وبسرعه تتشربه البشره ترطيبه خفيف بنسبه لي مايدوم اكثر من ساعتين ماراح ارجع اشتريه
لوشن من يوسرين خالي من العطور للبشره الجافه وشديدة الجفاف حبيته تركيبته سائل ثقيل يندمج على البشره بسهوله يحتاج كم دقيقه عشان تمتصه البشره تبين البشره مترطبه وفيها لمعه ممكن مايناسب الي بشرة جسمها دهنيه حجمه اقتصادي وسعره ممتاز اكيد برجع اشتريه
شامبو جيوفاني خالي من السولفات تنظيفه جيد بس شوي يجفف لي شعري ممكن يناسب
الشعر الدهني ماراح ارجع اشتريه
بلسم جيوفاني ينحط على الشعر وهو مبلل ولا يغسل ابدآآآ ماحبيته يلبد بطريقه بشعه يخلي الشعر ثقيل
وملصق في بعض وجاف يزيد من تشابك الشعر ويصعب تسريحه يعطي احساس ان الشعر مو نظيف مستحيل ارجع اشتريه
ماء الورد من thayers خالي من الكحول خالي من الباربين خالي من الفثالات خالي من الغلوتين تجربتي سيئه معاه تحسست بشرتي منه اذا حطيته تحرقني وتحمر مع اني مااتحسس من ماء الورد العادي عشان اخلصه صرت استخدمه لرقبه والركب والاكواع اكيد مارح ارجع اشتريه
بلسم ليف ان (ينحط على الشعر ولا ينغسل) من بيوتي كيرلز لشعر الكيرلي من مكوناته زبدة الشيا وزيت جوز الهند ترطيبه ممتاز ينعم الشعر يساعد على فك التشابك شوي ماحبيت ريحته بس بعد فتره من الاستخدام تعود عليها ماهي مره شينه :/ بس احتاج كميه كثيره عشان يعطيني الترطيب الي احتاجه مارح ارجع اشتريه
بلسم ليف ان من كنكي كيرلي ريحته لطيفه قوامه اقرب الى المائي ترطيبه مايكفي لشعري يبقى فيه نفشه المنتج عادي جدآ ممكن يناسب الي شعرهم ويفي كميته المنتج قليله بنسبه لسعره مايستاهل مارح ارجع اشتريه
اشوفكم على خير
تعليقات
إرسال تعليق