مكياجي اليومي / My Everyday Makeup Routine

السلام عليكم اليوم باشاركم مكياجي اليومي سهل وبسيط مايخذ عشر دقايق


طبعاً اول خطوه  هي انظف بشرتي بالغسول ثم الترطيب وهي اهم خطوه لان المكياج اليومي يعتمد على بشره صحيه وفيها نضاره استخدم ببانثين احب ترطيبه وانه طبي وخالي من العطور وثاني خطوه ترطيب الشفايف واذا كنت بطلع استخدم واقي شمس

ابدأ اول شي بالحواجب واحب استخدم بودره لحواجبي وهذي بودرة الحواجب من ذبالم درجتي دارك براون حبيتها الدرجه مره مناسبتني وتعطيني لوك طبيعي 

الكونسيلر استخدمه بس مو بشكل يومي اوزعه تحت العين وبعض المناطق الي تحتاج تغطيه او اذا عندي حبه بغطيها احب هذا الكونسيلر من ميبلين يعطي لوك طبيعي ماكاني حاطه شي درجتي فيه ميديم نفس لون بشرتي بظبط اوزعه بفرشة ريل تكنيك

البلشر شي اساسي في المكياج اليومي اكثر اثنين احبهم cabanaboy من ذبالم الحلو ان فيه شوي لمعه خفيفه
و من كلور بوب درجه cheerio لونه مره طبيعي اوزعهم بفرشة ريل تكنيك للكونتور

المسكره الي استخدمها حالياً من ميبلين حلوه للاستخدام اليومي وخفيفه على الرموش

الخطوه الاخيره الروج وهذي اكثر ارواج استخدمها واحبها وطريقة استخدامي لها احط نقطه من الروج على الشفايف  واوزعه باصبعي بطبطبه حتى يتوزع بالكامل

هذي اسماء الدرجات من اليمين الى اليسار 

وبس هذا كان كل شي خطوات بسيطه بس تبرز جمالك