شرح لجهاز تنظيف البشره فوريو لونا + تجربتي ♥

السلام عليكم اول شي باقول لكم نبذه عن الجهاز ومميزاته 

الشركه سويديه تم انتاج الجهاز بعد 10 سنوات من الابحاث و التطوير يستخدم تقنية الذبذبات الصوتيه

واهم ميزه فالجهاز انه مصنوع من السليكون لان الفرش الي مصنوعه من النايلون تحتفظ بالرطوبه لفتره فتتكاثر عليها البكتيريا لذلك لبد انها تتغير كل ثلاث اشهر بينما لونا مصنوعه من السليكون فالنتيجه جهاز  يدوم معك

 طول العمر ولا يحتاج تغيير

تقشر بلطف تزيل  الجلد الميت وتفتح المسام لتخلص من الاوساخ و المكياج  

يمكن استخدامها اثناء الاستحمام 

يميزها صغر حجمها و شحن الجهاز لمره واحده يكفي 300 استخدام 

انواعها

لونا( ومنها ثلاث انواع ) وفيها تقنية مقاومة التجاعيد 

زرقاء للبشره الدهنية والمختلطه
وردي  للبشره العاديه 

بيضاء للبشره الحساسه

لونا 2( ومنها اربع انواع ) ايضا فيها تقنية مقاومة التجاعيد 

زرقاء للبشره المختلطه

تركواز للبشره الدهنيه 

وردي للبشره العاديه

بنفسجي  للبشره الحساسه

لونا ميني و لونا ميني 2

نفس النوع مافيه اختلاف بينها مجرد الالوان تختلف

تختلف لونا ميني 2 باضافة زر زيادة السرعه وتنقيصها

لوناplay حجمها مرره صغير تشتغل 100مره وتنتهي حلوه للي بتجرب الجهاز اذا يناسبها او لا
لونا go نفس حجم لونا play ولكن لها شاحن وفيها تقنية مقاومة التجاعيد 

محتويات الجهاز

الجهاز الي عندي لونا ميني 2  المحتويات علبه للحفظ و شاحن و بطاقه فيها كود الضمان
 وضمانها سنتين 

طريقة الاستخدام

كاتبين فالموقع على بشره مبلله دلكي الغسول وثم استخدمي الفوريو لونا 

بس انا افضل اني ابلل الفوريو لونا واحط عليها الغسول وعلى بشره مبلله ابد استخدمها هي تشتغل لمدة دقيقه مقسمه
15 ثانيه لكل جانب الخدين والجبهه والانف مع الدقن  فيها مؤقت يعطك تنبيه عشان تنتقلين للجانب الاخر بس بصراحه مالتزم بالوقت

تجربتي ورايي فيها 

كنت متردده اشتريها هي او الكليراسونيك بس بعد التفكير حسيت اني احتاج فوريو لونا و ماهتميت لفكرة مقاومة التجاعيد  فكان الاختيار على لوناميني نوع بشرتي مختلطه دهنيه عند الخدود والدقن  اول استخدام للجهاز حسيت بدغدغه من اهتزاز الجهاز وبعد حسيت انها ناعمه وماتنظف بس بعد استخدام شهرين لها مرره حبيتها فرقت بشرتي عليها قل تكون الحبوب والبثور واحس بشرتي منوره و فيها لمعه صحيه استخدامي لها مره وحده فاليوم  وممكن تستخدم مرتين عادي لانها ناعمه بنسبه لي تنظيفها يكفيني لاني ماحط مكياج كثير فاحتاج شي خفيف ويومي ينعش لي البشره خصوصآ في الصيف 

اماكن توفرها 

تتوفر في صيدلية وايتس 

او من موقعهم foreo.com

اشوفكم على خير 💛